Podcast@

一套垃圾劇集高朋滿座開播﹐夠胆死宣傳話電視撈飯年代從此番來啦﹐咪發夢啦﹗究竟電視黃金年代的劇集有何精彩﹐今集大家逐一回味。主持﹕Aresma/B媽﹐E&T﹐Suzie Wong/KCC9﹐DK﹐DNCP﹐KCCY/大款﹐控制員哥哥PC168

號外﹗號外﹗CMMP主持人﹐PODCAST界名嘴﹐手持點三百﹐殺入街坊茶樓﹐一眾茶客齊齊起鬨﹐林子揚雙拳難敵咁多隻手﹐映完相簽埋名都未夠﹐仲要做埋訪問先走得。主持﹕一班街坊嘉賓﹕林子揚豬老師的BLOG ﹕豬欄

城市傳聞﹐有幾荒謬唔重要﹐最緊要係仲有人信。八月廿八兩個月亮奇觀﹐手電公司推波助瀾傳到韓國﹐最奇果日原來係七月初四﹐點睇﹖微波爐叮八達通增值唔到仲會燒燶﹐原來用正確方法先得﹐如何﹖街坊茶樓今集話你知。主持﹕ARESMA/B媽﹐DK﹐企鵝佬。

沒有商業價值的就得一個字﹐拆。昔日香港痕跡﹐大家只靠記憶。消失的不止鐘樓﹐還有拋上十樓的飛機欖﹑白檸汽水﹑拍公仔紙﹑怕羞草﹑賴屎牛﹑金絲貓﹑水馬騮﹐和街頭已經聞到巷尾那杯凍到上腦的椰汁冰。食食玩玩﹐又是一次愉快的童年回憶。主持﹕Suzie Wong﹐KCCY﹐DK﹐Emily Strange/阿愛﹐根本英俊﹐仲有客串兩嘴的控制員哥哥PC168

Benny Lo 笨泥佬﹐網名根本英俊的維景街坊﹐剛剛去過西藏﹐又坐過大熱鐵路回來。打鐵當然要趁熱﹐我們第一時間二話不說三更半夜邀得英俊哥為大家分享西藏鐵路所見所聞﹐和途中拍下如明信片般的相片。主持﹕Emily Strange/阿愛﹐PC168嘉賓﹕根本英俊

暑期工﹖一個快要在歷史博物館才會見到的名詞。一班街坊﹐由觀塘的街邊小食出發﹐去到緬懷昔日做暑期工的咩咩歲月﹐車衣女﹑工廠妹﹑鑽飾鑲嵌﹑機場特警﹑深水埗苦力﹐還有記憶中包伙食必有的勁腥蒸魚。今集人多﹐是否好辦事﹖仍有待考究﹐不過笑聲就真係特別多。主持﹕Aresma﹐Emily Strange﹐Suzie Wong﹐DK﹐DNCP﹐KCCY﹐PC168

為什麽在書店打書釘是有文化？在便利店打書釘卻被人罵？從打書釘到當街開片再到貂嬋，到底書刊雜誌帶給我們的是什麽樣的一個世界？主持﹕Emily Strange﹐DK﹐DNCP﹐KCCY

狗狗散步你見得多，貓咪散步你有無見過？一歲多的貓咪過去一年來每天風雨不改落樓散步，名聞維景，不少街坊都是他的粉絲。2006年6月4號晚，貓咪沒有去維園，依舊在維景平台散步，卻一時大意走失了，他的媽媽高小姐心急如焚，幸得仙人指路，在灣伴網中尋貓，一夜間已有數十個回覆，街坊一呼百諾，熱心尋貓。貓咪在失蹤九天後奇跡地被好心人送回。好人好事散見各大報章，此處不贅。今集請得高小姐跟大家談談這九天的心路歷程，和貓咪的逸事。主持﹕Emily Strange﹐KCCY

銀羔多士﹐香港出名屋苑網站「灣伴網」網主﹐今集為大家細說在香港經營網站與留言板的苦樂﹐以及一些有趣舊事。主持﹕Suzie﹐Master Tat Tat

有好開始是成功的一半﹐但想要成功始終要有個開始﹐唔理好醜﹐三個男人率先出手﹐為你炮製出第一集《街坊茶樓》Podcast。香港人﹐最鐘意食同玩。第一集就同大家講下食﹐介紹一間位於天后區橫街之小食店﹐主打喇沙及海南雞。主持﹕企鵝佬﹐PC168﹐DK